Onların uğurlarını və həyatlarını bütün dünya izləyirdi: qadınlar onları təqlid etməyə çalışırdı, kişilər isə onların gözəlliyinə valeh idi. XX əsrin sonlarında podiumları və milyonlarla insanın qəlbini fəth edən modellər Sputnik Azərbaycan-ın fotolentində.
Ötən əsrin 90-cı illərini biz əminliklə supermodellər dövrü adlandırla bilərik. Klaudiya Şiffer, Naomi Kempbell, Sindi Krouford, Letisiya Kasta, Linda Yevangelista və başqaları dünyaya səs salmışdılar. Onların bəziləri indiyə qədər də öz populyarlıqlarını itirməyiblər.
Ağlasığmaz həcmdə qonorarlar qazanan bu qızlar gözəlliyin və ideal fiquranın yeni etalonunu yaradıblar.
Modanın, zərifliyin, şıqlığın və möhtəşəmliyin ikonası sayılan qızların şəkillərini təqdim edirik. Baxın və xatırlayın!
1/15
© AP Photo / Roger Doelly
Alman supermodel Klaudiya Şiffer hər gün 40 kq-dan artıq çəkisi olan məktublar alırdı. Model planetimizin ən seksual və gözəl insanları siyahısında yer alır.
2/15
© AP Photo / Lynne Sladky
1980-ci illərin sonlarında Naomi Kempbell öz zamanının üç kult modelindən biri olub. Bu şəkildə Naomi Londondakı Madam Tüsso muzeyində özünün mum fiquru ilə birlikdədir.
3/15
© AFP 2024 / Frederick Florin
Fransalı supermodel və aktrisa Letisiya Kasta özünün peşəkarlıq yoluna 15 yaşında qədəm qoyub. 18 yaşında o, artıq Victoria's Secret firmasının aparıcı modeli idi. O, reklam çarxlarının və moda jurnallarının bəzəyi idi.
4/15
© AP Photo / HO
Sindi Kroufordun karyerasının zirvəsi 90-cı illərdə olub. O vaxtlar onun şəkilləri yüzlərlə jurnalın, eləcə də dünyada populyar olan Vogue və Cosmopolitan-ın üz qabığını bəzəyirdi. O, Versace və Escada kimi brendlərin siması olub və 11 il onların markalarını reklam edib.
5/15
© AFP 2024 / Stan Honda
Tayra Benks 17 yaşında prestijli moda məktəbinin diplomunu alıb, model agentlikləri ilə müqavilələr bağlayıb, Chanel və Ralph Lauren başda olmaqla çoxsaylı brendlərlə əməkdaşlıq edib.
6/15
© AFP 2024 / Sinead Lynch
14 yaşlı Keyt Mossu Nyu Yorkun Kennedi aeroportunda Storm agentliyinin direktoru Sara Dukas kəşf edib. Onu özünün model kimi sınamağa dəvət edib. İki il sonra Keytin şəkli artıq Face jurnalının üz qabığını bəzəyirdi. Uzun illər Amerikanın Calvin Klein brendini tanıdıb və bu, Keyti supermodelə çevirib.
7/15
© AP Photo / Remy de la Mauviniere
Məşhur çex model Yeva Hersiqova 90-cı illərin əvvəllərində Guess-in reklamına çəkilmək üçün müqavilə bağlayıb. Wonderbra-nın reklamı isə onu əsl ulduza çevirib. O, əfsanəvi fotoqraflarla çalışıb, prestijli jurnallarda fotosessiyaları yayılıb, Christian Dior, Versace, Louis Vuitton, Roberto Cavalli, Calvin Klein və L'Oreal Paris kimi nəhənglərin reklamlarına çəkilib.
8/15
© AFP 2024 / Patrick Kovarik
Danimarkalı model Helena Kristensen 90-cı illərin əvvəllərində məşhurlaşıb. O, təkcə maneken deyildi, həm də peşəkar fotoqraf idi. Helena məşhur nəşrlər üçün əla fotolar çəkib, eyni zamanda Chanel, Fendi, DKNY, Versace, Prada və digər brendlərlə model kimi əməkdaşlıq edib.
9/15
© AP Photo / Paul Hurschmann
1990-cı illərdə Nadya Auermann Parisə gedib və orada Karins Modeling Agency ilə müqavilə bağlayıb. Bir ildən sonra Nadya artıq Elite Model Management agentliyi ilə müqavilə bağlamışdı. Onu əfsanəvi fotoqraflar kameranın yaddaşına köçürürdü, məşhur jurnallar dərc edirdi. Versace, Valentino, Blumarine, Prada, Anne Klein, Karl Lagerfeld kimi brendlər Nadya üçün növbəyə durmuşdular.
10/15
© AFP 2024 / Thomas Coex
Kristi Tarlinqton 1987-ci ildə Vogue jurnalının üz qabığında idi. Sonra isə o, dəfələrlə Harper's Bazaar, Cosmopolitan, ELLE və Glamour-un üz qabığını bəzədi.
11/15
© AFP 2024 / Pierre Verdy
Hollandiyalı model Karen Mülder Harper's Bazaar, Vogue, Cosmopolitan, Glamour və ELLE jurnallarında məşhurlaşıb. O, 123 şirkətin brendi kimi reklama çəkilib.
12/15
© AP Photo / John Hayes
Avstraliyalı model El Makfeson Sports Illustrated Swimsuit jurnalının üz qabığına 6 dəfə düşərək rekorda imza atıb. O, öz adını daşıyan Elle Macpherson Intimates qadın alt paltarları brendinin sahibinə çevrilib.
13/15
© AFP 2024 / Pierre Verdy
Kanadalı model Yasmin Qauri karyerasına 17 yaşında başlayıb. Məktəbdə oxuya-oxuya MakDonaldsda çalışıb və elə burada da model agentliyinin nümayəndəsinin diqqətini cəlb edib.
14/15
© AFP 2024 / Pierre Verdy
Məhz Linda Yevangelista Vogue jurnalına müsahibəsində işlətdiyi belə bir əfsanəvi ifadəsi ilə yadda qalıb: "Mən 10 min dollardan aza yataqdan qalxmayacağam". Uşaqlıqdan model olmaq istəyib və ağlasığmaz populyarlıq ona bir göz qırpımında gəlib.
15/15
© AP Photo / Alex Brandon
El Makferson, Klaudiya Şiffer, Naomi Kempbell və Kristi Tarlinqton 1996-cı ildə Nyu Orleanda Fashion Cafe-nin açılış mərasimində.
