Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

Azərbaycanlının bacarığını Pamela Anderson qiymətləndirəcək

© Photo : Omar Vega/Invision / APPamela Anderson
Pamela Anderson - Sputnik Azərbaycan
Abunə olmaq
Azərbaycanın məşhur sirk ustası Üzeyir Novruzov "Rossiya-1" telekanalında yayımlanan yeni "Liqa udivitelnıx lyudey" şousunda iştirak edib

BAKI, 8 iyun — Sputnik. Məşhur azərbaycanlı sirk ustası Üzeyir Novruzov "Rossiya-1" telekanalında yayımlanan yeni "Liqa udivitelnıx lyudey" (Möhtəşəm insanların liqası) şousunda iştirak edib. Sözügedən şounun münsiflər heyətinə amerikalı aktrisa Pamela Anderson da daxildir.

A post shared by Uzeyer Novruzov (@freeladderman) on Jun 7, 2018 at 10:29pm PDT

Sputnik Azərbaycan-nın xəbərinə görə, bu barədə Novruzov özünün Instagram sosial şəbəkəsindəki səhifəsində məlumat verib. O, səhifəsində sözügedən layihədə iştirakını əks etdirən şəklini də paylaşıb. Şəklinin altına "Tezliklə efirdə" sözlərini yazıb.

Məlum olduğu kimi, bu, beynəlxalq layihədə dünyanın ən yaxşı artistləri, idmançıları və qeyri-adi qabiliyyətləri olan insanları iştirak edir. Layihəyə dünyanın 20-dək ölkəsindən, eləcə də Rusiya, ABŞ, Kanada, Yaponiya, Azərbaycan və digərlərindən iştirakçılar qatılır. İştirakçıları ictimai xadim, peşəkar boksçu Nikolay Valuyev, müğənni Nikolay Baskov, amerikalı aktrisa Pamela Anderson, alman müğənni Tomas Anders və başqaları qiymətləndirir.

Hər bir buraxılışda tamaşaçılar və münsiflər müxtəlif janrlarda olan dörd maraqlı qarşılaşmanı qiymətləndirirlər. Janrlar dedikdə isə sirk sənəti, idman, ekstrim, musiqi və yaxud qumda rəsm, ağac və buz üstə oyma, səslərin imitasiyası və müxtəlif silahlardan istifadə nəzərdə tutulur.

Üzeyir Novruzov Gəncədə doğulub, lakin Rusiyada böyüyüb. Sonra yaşamaq üçün ABŞ-a gedib. O, sirkdə əfsanəvi Çarli Çaplinin obrazında çıxış edir və bu səbəbdən də onu tez-tez Çaplinlə müqayisə edirlər. Novruzov Çində 6 metrlik dayaqsız nərdivana dırmaşaraq onun üzərində 8 dəqiqə dayanması ilə dünya rekordu vurub. Bu nömrəyə görə, onun adı "Ginnesin Rekordlar Kitabı"na düşüb. Hazırda sirk ustası ailəsi ilə birlikdə Amerikada yaşayır və müxtəlif sirk şoularında çıxış edir.

Xəbər lenti
0