Novruz Məmmədov baş nazir qismində bir ilkə imza atdı

© AZƏRTACBaş nazir Novruz Məmmədov
Baş nazir Novruz Məmmədov - Sputnik Azərbaycan
Xəbərlərə abunə olun
Yandex newsTelegram
Nazirlər Kabinetinin geniş iclası keçirilib

BAKI, 8 iyun — Sputnik. Bu gün baş nazir Novruz Məmmədovun sədrliyi ilə “Azərbaycan Respublikası Nazirlər Kabinetinin 2018-ci il üçün iş planı”nda nəzərdə tutulmuş məsələlərə dair geniş iclas keçirilib.

Sputnik Azərbaycan-ın AZƏRTAC-a istinadən verdiyi məlumata görə, iclasın gündəliyinə Azərbaycan Respublikasının “Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Paris Sazişi”ndən irəli gələn öhdəliklər və bu öhdəliklərin yerinə yetirilməsi üzrə aidiyyəti dövlət qurumlarının qarşısında duran vəzifələr haqqında, “Daşınmaz əmlakın dövlət reyestri haqqında” Azərbaycan Respublikasının yeni qanununun layihəsi barədə və idxalı əvəz edən rəqabətqabiliyyətli məhsul istehsalının təşviqi və dəstəklənməsi ilə bağlı verilmiş təkliflərə dair məsələlər daxil edilib.

Müzakirəyə çıxarılan məsələlər üzrə aidiyyəti qurumların rəhbərlərinin məruzələri dinlənildikdən sonra hər üç mövzu ətrafında geniş fikir mübadiləsi aparılıb.

Sonda gündəlikdə duran məsələlərə dair müvafiq qərarlar qəbul edilib.

İclasa yekun vuran Novruz Məmmədov qarşıda duran vəzifələrin icrası ilə bağlı Nazirlər Kabinetinin müvafiq qurumlarına tapşırıqlar verib.

Xəbər lenti
0