BAKI, 6 iyun — Sputnik. ABŞ-ın Texas ştatında 47 yaşlı Marri Herison bir neçə gün öncə həyat yoldaşı 49 yaşlı Dekster Herisonu öldürüb. Sputnik Azərbaycan Türkiyə mətbuatına istinadən xəbər verir ki, qadın cinayət hadisəsini polislərə etiraf edib.
Cütlüyün qonşuları polisə bildirib ki, bir müddət öncə Marrinin pişiyi itib. Bunu görən cütlük hər tərəfə elan asaraq heyvanlarını axtarıblar. Bir neçə gün sonra pişik tapılıb. Ardından isə cütlük aralarında mübahisə olan zaman kişi pişiyi döyüb. Bunu görən qadın ərini öldürüb.
Polis qadını həbs edib.
Qonşular cütlüyün iki oğlunun olduğunu da bildiriblər.
