Люди на Площади фонтанов в Баку - Sputnik Azərbaycan
CƏMİYYƏT
Cəmiyyətin həyatında baş verən aktual hadisələr

İndi də sel təhlükəsi gəlir!

© Photo : AZƏRTACGüclü sel Göyçay çayı üzərindəki piyada körpüsünü dağıdıb
Güclü sel Göyçay çayı üzərindəki piyada körpüsünü dağıdıb - Sputnik Azərbaycan
Xəbərlərə abunə olun
Yandex newsTelegram
Balakən, Şəki, Oğuz, Qəbələ və İsmayıllının bəzi çaylarından qısamüddətli sel keçəcək

BAKI, 6 iyun — Sputnik. Yaxın günlər ərzində gözlənilən leysan yağışlarla əlaqədar ölkənin bəzi dağ çaylarından yenidən selin keçəcəyi gözlənilir. Sputnik Azərbaycan Trend-ə istinadən xəbər verir ki, bunu Ekologiya və Təbii Sərvətlər Nazirliyinin Hidrometeoroloji Proqnozlar Bürosunun baş hidroloqu Asif Verdiyev deyib.

A.Verdiyevin sözlərinə görə, iyunun 7-si gündüzdən iyunun 11-dək ölkədə qeyri-sabit hava şəraiti müşahidə ediləcək. Bununla əlaqədar ölkənin əksər çaylarında sululuğun artımı, dağ çaylarından, xüsusilə Böyük və Kiçik Qafqazda çaylardan qısamüddətli selin keçəcəyi gözlənilir.

O qeyd edib ki, əsasən, Balakən, Şəki, Oğuz, Qəbələ və İsmayıllının bəzi çaylarından qısamüddətli sel keçəcək. Bir necə gün əvvəl selin keçdiyi Göyçay çayında da yenidən qısamüddətli selin keçəcəyi istisna edilmir.

Baş hidroloq əlavə edib ki, selin əsasən iyunun 8-də axşam, iyunun 9-da gecə və səhər keçəcəyi gözlənilir.

A.Verdiyev əlavə edib ki, 2018-ci il başlayandan indiyədək Azərbaycandakı çaylarda 9 daşqın və sel hadisəsi olub.

Xatırladaq ki, iyunun əvvəlində Göyçayda sel suları nəticəsində avtomobil və piyada körpüləri dağılıb, İsmayıllıda isə güclü yağışlar evlərə və əkin sahələrinə ziyan vurub.

Xəbər lenti
0