BAKI, 3 iyun — Sputnik. ABŞ-ın Libra institutunun alimləri maraqlı araşdırma aparıb. Sputnik Azərbaycan Rusiya mediasına istinadən xəbər verir ki, alimlər şizofreniya xəstəliyinin səbəblərini araşdırıblar. Onlar belə qərara gəliblər ki, şizofreniya xəstəliyi beyinlə birbaşa əlaqəlidir.
Alimlər müəyyən ediblər ki, qadın hamiləlik zamanı stress keçirərsə bu zaman onun bətnində olan körpə şizofreniya xəstəliyinə tutula bilər.
Mütəxəssislər 2 800 hamilə qadın arasında araşdırma aparıb. Bu qadınlar Yaponiyadan, ABŞ, İtaliya, Almaniyadan olub.
Alimlər sübut edir ki, hamiləlik zamanı stress keçirən ananın dünyaya gətirdiyi uşaq sonrakı dövrlərdə də stressli yaşayacaq.
