Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Ölkəmizin turizm mərkəzinə aparan yol kəsildi - Səbəb yenə təbiətdir

© Photo : AZƏRTACQuba-Xınalıq yoluna böyük qaya parçası düşüb
Quba-Xınalıq yoluna böyük qaya parçası düşüb - Sputnik Azərbaycan
Xəbərlərə abunə olun
Yandex newsTelegram
Sahə rəisi deyib ki, təbii proseslərlə əlaqədar yaz-yay aylarında yola iri qaya parçalarının və torpaq kütləsinin tökülməsi kimi hallar tez-tez baş verir

BAKI, 3 iyun — Sputnik. İyunun 2-də Quba-İspik-Xınalıq yolunda avtomobillərin hərəkəti müvəqqəti məhdudlaşıb. Buna yolun hərəkət hissəsinə dağdan qopan qaya parçasının düşməsi səbəb olub.

Azərbaycan Avtomobil Yolları Dövlət Agentliyinin Qubadakı 6 saylı yol istismar idarəsinin sahə rəisi Bilal Sultanov AZƏRTAC-a bildirib ki, qaya parçası yolun 36-cı kilometrliyinə düşüb. Diametr 3 metrdən çox olan qaya parçası yolun hərəkət hissəsinə düşdüyündən asfaltı da dağıdıb.

İdarənin ağır texnikaları vasitəsilə tonlarla çəkisi olan qaya parçası yolun hərəkət hissəsindən kənarlaşdırılıb. Qısa müddətdə yolda avtomobillərin hərəkəti tam bərpa olunub.

Sahə rəisi deyib ki, təbii proseslərlə əlaqədar yaz-yay aylarında yola iri qaya parçalarının və torpaq kütləsinin tökülməsi kimi hallar tez-tez baş verir.

Xəbər lenti
0