Leyla Abdullayeva, Sputnik Azərbaycan
BAKI, 26 may — Sputnik. Şirvanda itkin düşən qadın yaxınları tərəfindən axtarılır.
DİN-in Mətbuat Xidmətinin Şirvan regional qrupundan Sputnik Azərbaycan-ın bölgə müxbirinə verilən məlumata görə, Şirvan şəhər sakini, 1956-cı il təvəllüdlü Sarayxanım Abdullayeva mayın 24-ü dərs dediyi məktəbdən çıxaraq bir daha geri qayıtmayıb.
Sarayxanım Abdullayeva
© Photo : Sarayxanım Abdullayevanın ailəsi tərəfindən təqdim olunub
Onun əlamətləri belədir: orta boylu, qara saçlı, gözlərinin rəngi qəhvəyidir. Məktəbdən çıxarkən əynində qara yubka və ağ köynək olub.
Şəkildə gördüyünüz şəxsi tanıyanlardan və barəsində məlumatı olanlardan DİN-in “102 Zəng Mərkəzi” Xidmətinə, həmçinin Şirvan Şəhər Polis Şöbəsinə 021-215-14-50 şəhər və (051) 425-28-01 mobil nömrələrinə zəng vuraraq məlumat vermələri xahiş olunur.
