BAKI, 21 may — Sputnik. Türkiyəli müğənni Aydilge "Kral TV"də yayımlanan "Rota" adlı verilişdə Azərbaycanın "Sarı gəlin" mahnısını erməni mahnısı kimi təqdim edərək musiqini həmin dildə ifa edib.
Sputnik Azərbaycan xəbər verir ki, verilişin aparıcıları Əhməd Koç və Sərkan Çağrı isə Aydilgenin Azərbaycana qarşı olan hörmətsizliyinə göz yumublar.
Kanalın müxtəlif sosial şəbəkələrdəki hesabından paylaşılan ifaya isə istifadəçilər tərəfindən sərt reaksiya bildirilib. Onlar kanalın və Aydilgenin bu addımını "ermənipərəstlik" adlandırıblar.
