BAKI, 21 may — Sputnik. Hazırda Yerevanda onlarla etirazçı Baş Prokurorluğun binası və yaxınlıqda yerləşən Ermənistan Ali Məhkəməsinin qarşısında etiraz aksiyası keçirir. Sputnik Azərbaycan Rusiya KİV-nə istinadən xəbər verir ki, onlar baş prokuror Artur Davtyanın istefasını və sabiq general Samvel Babayanın azadlığa buraxılmasını tələb edirlər.
"Babayan və bu iş üzrə adı hallanan digər siyasi məhbuslara qarşı qondarma istintaq işi aparılıb. Biz onların dərhal azadlığa buraxılmasını tələb edirik. Bütün bunların arxasında baş prokuror Davtyan dayanır. O, istefaya getməlidir", — deyə aksiyanın əsas təşkilatçılarından biri Andranik Tevanyan bildirib.
