Mayın 16-da Bakıda 24-cü Azərbaycan Beynəlxalq Qida Sənayesi WorldFood Azerbaijan 2018, 12-ci Azərbaycan Beynəlxalq Kənd Təsərrüfatı Caspian Agro 2018 və IpackCaspian sərgilərinin açılış mərasimi keçirilib. Sərgilərdə 10 ölkəni təmsil edən 12 milli və regional qrup iştirak edir.
Bakı Ekspo Mərkəzinin iki zalında və xarici meydançasında yerləşən sərgilərdə dünyanın 34 ölkəsindən 402 şirkət iştirak edir. Bu şirkətlərin 70%-i xarici, 30%-i isə yerli istehsalçı və distribütorlardır. Bu ölkələrin ticarət və sənaye palatalarının dəstəyi ilə şirkətlərin böyük milli qruplarla iştirakı sərginin vizit kartına çevrilib.
Ziyarətçilərin ən çox diqqətini müasir traktorların, eləcə də yüksək məhsuldarlığı olan iribuynuzlu və xırdabuynuzlu heyvanların stendləri cəlb edib.
Azərbaycan Respublikası Kənd Təsərrüfatı Nazirliyi "WorldFood Azerbaijan" və "CaspianAgro" sərgilərinə yaxından dəstək göstərir. Bu il ilk dəfə olaraq "CaspianAgro" sərgisi BMT-nin Ərzaq və Kənd Təsərrüfatı Təşkilatı (FAO) tərəfindən dəstəklənir. Sərgilər həmçinin Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) tərəfindən də dəstəklənir.
Hal-hazırda, kənd təsərrüfatı və qida sənayesi iqtisadiyyatın sürətlə inkişaf edən və böyük perspektivlər vəd edən sektorlarıdır. Statistikaya əsasən rekord göstəricilər nümayiş etdirməklə, sərgilər bu təmayülü əyani şəkildə əks etdirib. Ötən illə müqayisədə, bu il "WorldFood Azerbaijan" və "Caspian Agro" sərgiləri həm iştirakçıların sayı, həm də ekspozisiya sahəsi baxımından 12% artım nümayiş etdirib və region üzrə bütün ixtisaslaşmış sərgilər arasında ikinci yeri tutublar.
Ənənəvi olaraq WorldFood Azerbaijan sərgisi bir neçə tematik ekspozisiyaları özündə birləşdirir: qida sənayesi (WorldFood), içkilər (WorldDrink), texnologiyalar (WorldFoodTech). WorldFood bölməsində süd və qənnadı məhsullarının, konservləşdirilmiş qidaların, baqqaliyyə məhsullarının, inqrediyentlərin istehsalçıları, meyvə-tərəvəz ixracatçıları xüsusilə fəal iştirak edirlər. WorldFoodTech bölməsində soyuducu, çörək məmulatlarını bişirmə, məhsulların saxlanması üçün avadanlıqlar və s. təqdim edilir. WorldDrink içki və şirələrin geniş çeşidi ilə fərqlənir, burada çoxsaylı çay növləri və brendlərində də rast gəlmək mümkündür.
WorldFood Azerbaijan-la eyni meydançada Beynəlxalq Xəzər "Qablaşdıram, Tara, Etiket və Poliqrafiya" Ipack Caspian 2018 sərgisi keçirilir. Ötən illə müqayisədə iştirakçıların tərkibi və təklif olunan məhsulların çeşidi xeyli genişlənib. Sərgi çərçivəsində Azərbaycan, İtaliya, Rusiya, Türkiyə və digər ölkələrdən olan eksponentlərə rast gəlmək olar.
WorldFood Azerbaijan 2018 sərgisi bir neçə ildir ki, beynəlxalq sərgi ictimaiyyətinin, yəni, UFI (Beynəlxalq Sərgi Sənayesi Assosiasiyasının) keyfiyyət nişanını alıb. Sərgilərin təşkilatçıları qismində Iteca Caspian (WorldFood Azerbaijan) və Caspian Event Organisers (Caspian Agro) şirkətləri çıxış edirlər.
Sputnik Azərbaycan WorldFood Azerbaijan, Caspian Agro və Ipack Caspian sərgilərinin informasiya tərəfdaşıdır.
