BAKI, 14 may — Sputnik. 2011-ci il mayın 14-də Almaniyanın Düsseldorf şəhərində “Espit Arena”sında 56-cı “Eurovision” yarışmasının final mərhələsi keçirilib.
Sputnik Azərbaycan-ın məlumatına görə, Azərbaycanı təmsil edən Eldar Qasımov və Nigar Camal (Ell & Nikki) dueti "Running Scared" mahnısı ilə finalda 221 xalla birinci olub. Səsvermə zamanı Malta, Rusiya və Türkiyə Azərbaycan təmsilçilərinə 12 xal verib.
Sonrakı yerləri İtaliya (Rafael Gualazzi — 189 xal) və İsveç (Eric Saade — 185 xal) təmsilçiləri tutblar.
Bu qələbənin sayəsində 2012-ci ildə "Eurovision" müsabiqəsi Bakıda "Baku Crystal Hall"da keçirildi. Həmin müsabiqədə isə İsveç təmsilçisi Lorin "Euphoria" mahnısı ilə 372 xalla birinci oldu.
