BAKI, 11 may — Sputnik. Avropa artıq ABŞ-a ümid bəsləməyə son qoymalıdır. Sptunik xəbər verir ki, bunu Almaniya kansleri Angela Merkel ABŞ-ın İranla bağlanmış nüvə razılaşmasından çıxmasını şərh edərkən bildirib.
"ABŞ artıq bizi qorumaq iqtidarında deyil, Avropa taleyini özü həll etməlidir, bu, bizim gələcək üçün vəzifəmizdir", — deyə Merkel vurğulayıb.
Merkel, eyni zamanda qeyd edib ki, Almaniya İranla nüvə sazişi üzrə üzərinə götürdüyü öhdəlikləri yerinə yetirməyə davam edəcək.
Qeyd edək ki, ABŞ prezidenti Donald Tramp mayən 8-də ABŞ-ın nüvə sazişindən çıxdığını bəyan edib.
