BAKI, 9 may — Sputnik. Sonuncu dəfə “Creed” filmi ilə 3-cü dəfə Oskar mükafatına namizədliyi göstərilən 71 yaşlı aktyor Silvestr Stalonne “Rembo” seriyasından yeni, sayca 5-ci filmini çəkir.
Sputnik Türkiyə xəbər verir ki, Rembo seriyasından olan ilk film 1982-ci ildə Devid Morrelin "First Blood" adlı kitabı əsasında çəkilib və böyük uğur əldə edib.
Stallone bundan sonra daha 3 dəfə Rembo rolunu oynayıb. Amma bu rolların heç biri ilk rolu kimi uğurlu olmayıb.
Sonuncu dəfə 2008-ci ildə efirdə görünən Rembonun macəraları Stallonenin rejissorluğu ilə tamaşaçıları təqdim edilmişdi.
Yeni çəkiləcək filmdə Stallonenin oynayacağı "Con Rembo" bu dəfə Meksikalı rəqibi ilə savaşır.
