Rahim Zakiroğlu, Sputnik Azərbaycan
BAKI, 5 may — Sputnik. Lənkəranda ilin ilk çay yığımına start verilib. Bununla bağlı rayonda “Çay bayramı” keçirilib.
Sputnik Azərbaycan-ın bölgə müxbirinin verdiyi məlumata görə, tədbir rayonun ən çox məhsul tədarük olunduğu İstisu qəsəbəsində yerləşən çay plantasiyasında təşkil edilib. “Çay bayramı”nda qeyd olunub ki, hazırda rayonda çay əkini üçün 2 min hektardan çox yararlı torpaq sahəsi var.
![Lənkəranda çay yığımı Lənkəranda çay yığımı - Sputnik Azərbaycan](https://cdnn1.img.sputnik.az/img/41518/88/415188848_0:0:1999:1256_600x0_80_0_0_db816fcc9f1893bf1cd542305cf39917.jpg)
![Lənkəranda çay yığımı Lənkəranda çay yığımı - Sputnik Azərbaycan](https://cdnn1.img.sputnik.az/img/41518/89/415188906_0:0:1999:1256_600x0_80_0_0_b1a262eff34cff36533096a3ee777303.jpg)
![Lənkəranda çay yığımı Lənkəranda çay yığımı - Sputnik Azərbaycan](https://cdnn1.img.sputnik.az/img/41518/89/415188963_0:59:1999:1316_600x0_80_0_0_f0b415d89b6df13845f1c88c0b8d97cf.jpg)
![Lənkəranda çay yığımı Lənkəranda çay yığımı - Sputnik Azərbaycan](https://cdnn1.img.sputnik.az/img/41518/90/415189020_3:0:1998:1330_600x0_80_0_0_a71c5e73e3834f4e9ddf0fd6738b1ce8.jpg)
![Lənkəranda çay yığımı Lənkəranda çay yığımı - Sputnik Azərbaycan](https://cdnn1.img.sputnik.az/img/41518/90/415189078_0:0:1995:1330_600x0_80_0_0_d4cb6af9aba99da8a5337585b2048bdd.jpg)
![Lənkəranda çay yığımı Lənkəranda çay yığımı - Sputnik Azərbaycan](https://cdnn1.img.sputnik.az/img/41518/94/415189427_0:36:2000:1293_600x0_80_0_0_008aaa0486dcae98230543f6e60b7b9f.jpg)
![Lənkəranda çay yığımı Lənkəranda çay yığımı - Sputnik Azərbaycan](https://cdnn1.img.sputnik.az/img/41518/94/415189485_0:73:2000:1330_600x0_80_0_0_7e33e12e24a1cef083c200bcb73f6e85.jpg)
![Lənkəranda çay yığımı Lənkəranda çay yığımı - Sputnik Azərbaycan](https://cdnn1.img.sputnik.az/img/41519/02/415190265_0:73:1999:1330_600x0_80_0_0_b93766ff7b2986d2aac7c7a5c2231471.jpg)
![Lənkəranda çay yığımı Lənkəranda çay yığımı - Sputnik Azərbaycan](https://cdnn1.img.sputnik.az/img/41519/03/415190324_0:0:1999:1256_600x0_80_0_0_42fecb82e4b1d46837fc7ebce907dc36.jpg)
“Yaşıl çay” Fermer Təsərrüfatının rəhbəri Araz Yaqubovun verdiyi açıqlamaya görə, təsərrüfatın balasında olan 70 hektar çay plantasiyasından 42 hektarı məhsuldardır:
“Bu gün Lənkəranda çay yığımına start verdik. 2006-ci ildən fəaliyyət göstərən təsərrüfatımızın 150 hektar torpaq sahəsi var. Bu sahələrdə naringi, limon və əsasən də çay bitkisi əkilir. Təsərrüfatda ailə üzvləri ilə birlikdə 100-ə yaxın işçi çalışır və bunların əksəriyyəti qadındır. Yığılan çay müəssisənin nəzdində olan mini emal sexində emal ediləcək”.
Çay kolunun məhsul verməsi üçün 8-9 ilə qədər vaxt tələb olunduğunu deyən mütəxəssislər oktyabr-noyabr aylarına qədər çay tədarük edilməsinin mümkünlüyünü bildirirlər. Bunun üçün isə il boyu çay plantasiyalarına düzgün aqrotexniki qulluq göstərilməli və əlverişli hava şəraiti lazımdır. Qeyd edək ki, fermerlər 1-ci çay yığımından sonra suvarma və digər aqrotexniki qulluqları düzgün yerinə yetirərlərsə, 20-25 gün sonra 2-ci çay yığımına da başlaya bilərlər.
Qeyd edək ki, vaxtı ilə ölkəmizdə 13 min hektara yaxın çay plantasiyaları olub və bu plantasiyalardan 7 min hektar ərazisi Lənkəranın payına düşüb.