BAKI, 22 aprel — Sputnik. Dünyanın ən yaşlı sakini olan yaponiyalı Nabi Tadzima 117 yaşında vəfat edib. Sputnik Azərbaycan USA Today-a istinadla xəbər verir ki, qadın yanvar ayından aparıldığı xəstəxanada keçinib.
Tadzima 1990-cı il avqustun 4-də doğulub. Onun 160-dan çox törəməsi, o cümlədən kötücə və kötükcəsi var. Kaqosima prefekturasında doğulan qadın son zamanlar ümumiyyətlə yataqdan qalxmırmış.
Nabi Tajima, world's oldest person, dies in Japan at age of 117 https://t.co/QSMeJSZtzz pic.twitter.com/LNyby0O2ER
— Fox News (@FoxNews) 22 апреля 2018 г.
Nabi Tadzimanın ölümündən sonra planetin ən yaşlı sakini titulu digər yaponiyalı qadın, 116 yaşlı Tie Miyakoya keçib.
Qeyd edək ki, cəmi bir neçə gün öncə qeyri-rəsmi olaraq dünyanın ən yaşlı sakini sayılan 121 yaşlı Selino Vilyanueva Haramilyonun öldüyü xəbər verilmişdi. O, çarpayıdan yıxılması zamanı aldığı zədə nəticəsində San-Xose-de-Marikina şəhərində xəstəxanada vəfat edib.
