BAKI, 21 aprel — Sputnik. Prezident İlham Əliyev Hacıbala Abutalıbovun Bakı Şəhər İcra Hakimiyyətinin başçısı vəzifəsindən azad edilməsi haqqında sərəncam imzalayıb.
Sputnik Azərbaycan-ın xəbərinə görə, sərəncama əsasən Hacıbala İbrahim oğlu Abutalıbov Bakı Şəhər İcra Hakimiyyətinin başçısı vəzifəsindən azad edilib. Sərəncam imzalandığı gündən qüvvəyə minir.
Qeyd edək ki, H. Abutalıbov bu gün baş nazirin müavini təyin edilib.
Bundan əlavə, Prezident İlham Əliyev İnam Kərimovun Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri vəzifəsindən, Samir Rafiq oğlu Nuriyevin Azərbaycan Respublikasının Mənzil İnşaatı Dövlət Agentliyinin İdarə Heyətinin sədri vəzifəsindən azad edilməsi haqqında sərəncam imzalayıb.
Qeyd edək ki, İnam Kərimov bu gün kənd təsərrüfatı naziri, Samir Nuriyev Dövlət Şəhərsalma və Arxitektura Komitəsinin sədri təyin edilib.
