CƏMİYYƏT
Cəmiyyətin həyatında baş verən aktual hadisələr

"Kediciyi" Adnan Oktarın başına bəla olur

Abunə olmaq
Özgül məhkəmədə Adnan Oktardan və qrupundan şikayət edib

BAKI, 19 aprel — Sputnik. Adnan Oktarın yanından qaçan və açıqlamaları ilə gündəm yaradan Ceylan Özgül bu dəfə Oktarı və onun ətrafındakıları məhkəməyə verib.

Sputnik Azərbaycan Türkiyə mətbuatına istinadla xəbər verir ki, İstanbul Anadolu 14-cü Ailə Məhkəməsi Adnan Oktar və Didem Ürerin də aralarında olduğu bir neçə nəfər haqqında uzaqlaşdırma qərarı verib. Qərara riayət edilməməsi təqdirində bu şəxslərin 6 ay azadlıqdan məhrum ediləcəyi gözlənilir.

Xatırladaq ki, bir müddət əvvəl Adnan Oktarın "kedicik"lərindən biri olan Ceylan Özgül onun yanından qaçmışdı. Adnan Oktar tərəfdarlarının Özgül haqqında sərt açıqlamalar verməsi, onu günahlandırması Özgülün məhkəməyə müraciət etməsi ilə nəticələnib. Özgül məhkəmədə Adnan Oktardan və qrupundan şikayət edib.

Məhkəmənin verdiyi qərara görə, Adnan Oktar, Əminə Minə Kalça, Gülgün Göktan, Kartal İş, Sinem Hacer Tezyapar haqqında 4 ay müddətinə Özgülə yaxınlaşmama və təhqir etməmə qərarı verilib.

Bu qərara görə, adı çəkilən şəxslər Ceylan Özgülün evinə, məktəbinə, iş yerinə yaxınlaşmayacaq, ona qarşı alçaldıcı söz və hərəkətlər etməyəcəklər. Qərara qarşı çıxanlar 6 ay müddətinə azadlıqdan məhrum edilə bilər.

Qərara görə, qərar pozan şəxslər ilk dəfə 3-10 gün müddətinə, ikinci dəfə 15-30 gün müddətinə, təkrar yol verdikləri təqdirdə isə 6 aya qədər azadlıqdan məhrum edilə bilərlər.

Xəbər lenti
0