BAKI, 14 aprel — Sputnik. BMT Təhlükəsizlik Şurası Rusiyanın Suriyaya dair qətnaməsini qəbul etməyib. Qətnamə layihəsində Suriyaya qarşı təcavüzə son qoymaq çağırışı əks olunub.
Səsvermə Suriyanın ABŞ, Fransa və Böyük Britaniya tərəfindən bombalanmasından sonra Moskvanın təşəbbüsü ilə çağırılan BMT TŞ-nın iclası zamanı keçirilib.
Rusiya, Çin və Boliviya qətnamənin qəbul edilməsini dəstəkləyib. Səkkiz ölkə sənədin “əleyhinə” səs verib, dörd ölkə “bitərəf” qalıb.
