BAKI, 10 aprel — Sputnik. Futbol üzrə Ukrayna millisinin və Kiyev "Dinamo"sunun qapıçısı Aleksandr Şovkovskinin öz qızı ilə görüşmək istəyi atışma ilə başa çatıb.
Birinci nikahdan olan qızı Saşa ilə görüşmək istəyən Aleksandr evdə nə onu, nə də keçmiş arvadı Olqa Alenovanı tapmayıb. Əvəzində qapıçını keçmiş qayınanası Lyubov Pavlovna qarşılayıb. Keçmiş kürəkəni aqressiv qarşılayan qayınana əvvəlcə onu söyərək daş atıb, sonra isə travmatik tapançadan atəş açıb. Nəticədə Şovkovski kor-peşman qayıtmalı olub.
İnsidenti qapıçı ilə birlikdə gəlmiş hazırkı həyat yoldaşı kamera ilə çəkib.
Aleksandr Şovkovski 1994-2016-cı illərdə Kiyev "Dinamo"sunun, 1994-2012-ci illərdə isə Ukrayna millisinin qapıçısı olub.
