BAKI, 10 aprel — Sputnik. Paytaxtda yolu keçmək istəyən piyadanın avtobus tərəfindən vurulması anı kameraya düşüb.
Sputnik Azərbaycan Avtosfer.az-a istinadla xəbər verir ki, Heydər Əliyev prospektində yolu keçmək istəyən qadın qəfil avtobusun qarşısına çıxdığı üçün avtobus onu vurub. Qəzanı görən sürücülər dərhal xəsarət almış piyadanı götürərək yoldan kənara çıxarıblar.
Videodan aydın görünür ki, piyada yolu müəyyən olunmayan yerdən keçdiyinə görə vurulub. Ona görə də, bu qəzada piyadanın məsuliyyəti də qaçılmazdır.
