CƏMİYYƏT
Cəmiyyətin həyatında baş verən aktual hadisələr

Bakı-Naxçıvan aviareysində təhlükəli anlar

Abunə olmaq
Təyyarə havaya qalxarkən quş ilə toqquşub

BAKI, 8 aprel — Sputnik. Bakı-Naxçıvan aviareysi təxirə salınıb.

Sputnik Azərbaycan APA-ya istinadla xəbər verir ki, bunu "Azərbaycan Hava Yolları" QSC (AZAL) prezidentinin ictimaiyyətlə əlaqələr üzrə köməkçisi Paşa Kəsəmənski bildirib.

P.Kəsəmənskinin sözlərinə görə, aviareysin təxirə salınmasına təyyarənin havaya qalxarkən quş ilə toqquşması səbəb olub.

"Səmaya qalxarkən quş ilə toqquşan hava laynerinin kapitanı qərar verib ki, təyyarə Heydər Əliyev adına Beynəlxalq Hava Limanına geri dönsün. Təyyarə yerə uğurla enib. Hazırda Naxçıvana uçacaq digər təyyarənin hazırlıq işləri aparılır. Sərnişinlər növbəti reys ilə Naxçıvana yola salınacaq. Ləngimə çox olmayacaq", — deyə P.Kəsəmənski vurğulayıb.

P.Kəsəmənski onu da əlavə edib ki, hazırda geri dönən təyyarəyə texniki heyət baxış keçirir.

Xəbər lenti
0