BAKI, 7 aprel — Sputnik. Bakının subasma sahələrində vəziyyət açıqlanıb.
Sputnik Azərbaycan APA-ya istinadla xəbər verir ki, Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov Binəqədi birinci mədən yaşayış sahəsində və Binəqədi qəsəbəsi, Məlikaslanov küçəsi və ətraf ərazilərdə subasma prosesinin dinamikasında atmosfer yağıntılarının təsirindən aktivlik baş verdiyini deyib.
Ekspedisiya rəisi qeyd edib ki, Maştağa – Zabrat, Şuşa şəhərciyi, Daş karxanası yaşayış massivi, Zabrat — Məhəmmədi, Savalan və Qala qəsəbəsində subasma sahələrində də aktivlik müşahidə olunur.
