BAKI, 5 aprel — Sputnik. Türkityənin Siirt vilayətində yaşayan, bədəninin 90 faizi fiziki əngəlli olan Abbas Karabulut göstərdiyi əzm ilə hər kəsi heyran qoyub. O, uşaq vaxtı vurulan səhv iynə nəticəsində sağlamlığını itirib. Lakin Karabulut 2009-cu ildən bu günə kimi 12 kitab yazıb.
Sputnik Azərbaycan Türkiyə mediasına istinadən xəbər verir ki, bu kitablardan biri ingilis dilindədir, 6-sı isə şeir kitabıdır. Məktəbə getməyən Abbas öz əzmi ilə oxuyub-yazmağı öyrənib. O belə deyir: "İllər öncə birinə aşiq oldum. Duyğularımı, sevgimi şeirlərimə tökdüm, sonra da oxuyub-yazmağı öyrəndim".
