CƏMİYYƏT
Cəmiyyətin həyatında baş verən aktual hadisələr

Şəxsiyyət vəsiqəsinə görə yeni rüsum tətbiq edilir

© Sputnik / Anar MustafayevУдостоверение личности гражданина Азербайджанской Республики
Удостоверение личности гражданина Азербайджанской Республики - Sputnik Azərbaycan
Abunə olmaq
Buna qədər 16 yaşına çatmamış uşaqlara şəxsiyyət vəsiqəsinin verilməsinə görə rüsum alınmırdı

BAKI, 4 aprel — Sputnik. Azərbaycanda 15 yaşı tamam olmamış vətəndaşa şəxsiyyət vəsiqəsinin verilməsinə və ya dəyişdirilməsinə görə rüsumlar təsdiqlənib.

Sputnik Azərbaycan xəbər verir ki, bu, Azərbaycan prezidenti İlham Əliyevin bu gün imzaladığı “Dövlət rüsumu haqqında” Azərbaycan Respublikasının Qanununda dəyişikliklər edilməsi barədə” qanunun tətbiqi barədə sərəncamda əksini tapıb.

Qanuna əsasən, 15 yaşı tamam olmamış vətəndaşa şəxsiyyət vəsiqəsi 10 gün müddətində verildikdə və ya dəyişdirildikdə 4 manat, üç iş günü müddətində verildikdə və ya dəyişdirildikdə 20 manat, bir iş günü müddətində verildikdə və ya dəyişdirildikdə 25 manat dövlət rüsumu ödəniləcək.

Bu Qanun 2019-cu il yanvarın 1-dən qüvvəyə minir.

Qeyd edək ki, buna qədər 16 yaşına çatmamış uşaqlara şəxsiyyət vəsiqəsinin verilməsinə görə rüsum alınmırdı.

Xəbər lenti
0