BAKI, 4 aprel — Sputnik. "Türkiyənin NATO-dakı əhəmiyyətli üzvlüyü və İncirlikdəki hərbi hava bazasının NATO üçün önəmli rolu davam edir".
Sputnik Azərbaycan "Milliyet"ə istinadla xəbər verir ki, bunu ABŞ Müdafiə Nazirliyinin sözçüsü Coni Maykl (Johnny Maykl) deyib.
O, ABŞ-ın İncirlik bazasında yerləşən bir silah anbarını başqa ölkəyə daşıması ilə bağlı məsələyə belə reaksiya verib: "Bu barədə yayılan məlumatlar həqiqətə uyğun deyil. Bu məlumatlar münasibətlərimizdə inamsızlığı artırmağa və birgə hərəkət etməyimizə qarşı yönəlib".
Qeyd edək ki, son günlər İncirlikdəki NATO hərbi bazasındakı hərbi texnika və silah-sursatın çıxarılacağı, başqa bir ölkəyə göndəriləcəyi barədə xəbərlər dolaşır.
