BAKI, 31 mart — Sputnik. Dağıstanda qısqanc gənc dəhşətli qətl törədib. Sputnik Azərbaycan ren.tv-yə istinadla xəbər verir ki, gənc oğlan sevgilisinin başını daşla əzib. Hadisə kameralar vasitəsilə qeydə alınıb.
Faciə Bakı-Rostov yolunda baş verib. Gənc kişi qadının saçından tutaraq maşından çıxarır və sonra onu təpikləməyə başlayır. Qadın müqavimət göstərmir, sadəcə əlləri ilə başını tutur.
Döyməklə kifayətlənməyən kişi yolun kənarından beton daş parçası götürərək, onu qadının başına çırpır. Zərbədən daş parçalanır. Kişi isə parçaları götürərək, daha bir neçə dəfə qadının başından vurur.
Artıq cinayətkar həbs edilib. Güman edildiyinə görə, hadisə qısqanclıq zəminində baş verib. Cavan oğlan sevgilinin ona xəyanət etdiyindən şübhələnib.
