BAKI, 29 mart — Sputnik. “İçərişəhər” Dövlət Tarix-Memarlıq Qoruğu İdarəsinin strukturu dəyişib.
Sputnik Azərbaycan-ın məlumtına görə, Nazirlər Kabineti bununla bağlı “İçərişəhər” Dövlət Tarix-Memarlıq Qoruğu İdarəsinin strukturunun təsdiq edilməsi və işçilərinin say həddinin müəyyən edilməsi barədə” qərarında dəyişiklik edib.
Dəyişikliyə əsasən Maqsud İbrahimbəyov Yaradıcılıq Mərkəzi “İçərişəhər” Dövlət Tarix-Memarlıq Qoruğu İdarəsinin strukturuna daxil edilib.
Qeyd edək ki, Azərbaycan Respublikası Prezidentinin 2018- ci il 1 fevral tarixli sərəncamı ilə Maqsud İbrahimbəyov Yaradıcılıq Mərkəzi təsis edilib. Sərəncama əsasən "İçərişəhər” Dövlət Tarix-Memarlıq Qoruğu İdarəsinin strukturuna daxil olan “Maqsud İbrahimbəyov Yaradıcılıq Mərkəzi”nin təsis edilməsi və fəaliyyətinin təmin olunması üçün “İçərişəhər” Dövlət Tarix-Memarlıq Qoruğu İdarəsinə dövlət büdcəsindən əlavə 220 min manat vəsait ayrılıb.
