BAKI, 16 mart — Sputnik. Sputnik Azərbaycan Beynəlxalq İnformasiya Agentliyi və Radiosunun təşkil etdiyi #SəxavətliNovruz xeyriyyə aksiyası başa çatıb.
Layihə çərçivəsində "Azərbaycan Uşaqlar Birliyi" qeyri-hökumət təşkilatı yanında Uşaq Sığınacağı Reinteqrasiya Mərkəzində sığınacaq tapan, yaşı 18-dək olan 28 uşaq Novruz hədiyyəsi alıb.
Hədiyyələr içində — paltarlar, ayaqqabılar, oyuncaqlar, təkərli konki, mikrodalğalı soba, ənənəvi Novruz şirniyyatları, eləcə də konfetlər, şokoladlar, kekslər və s. olub.
"Azərbaycan üçün müqəddəs olan bu bayramda biz Novruzu öz iradələrindən asılı olmayaraq ev şəraitində, zəngin süfrə ətrafında ürəyi istədiyi kimi keçirmək imkanı olmayan uşaqları və onların valideynlərini qayğıdan kənarda qoymaq istəmədik. Bu səbəbdən də #SəxavətliNovruz xeyriyyə aksiyasını təşkil etmək qərarına gəldik. Biz layihəmizi dəstəkləyən hər kəsə təşəkkür edirik" – deyə Sputnik Azərbaycan-ın rəhbəri Əziz Əliyev bildirib.
Martın 16-da Sputnik Azərbaycan-ın əməkdaşları hədiyyələri sığınacaqdakı uşaqlara paylayıblar.
Sputnik Azərbaycan bu aksiyada iştirak edən hər kəsə dərin təşəkkürünü bildirir. Sizin səxavətiniz sayəsində bu və ya digər səbəblərdən sığınacağa düşən, xüsusi diqqətə və dəstəyə ehtiyacı olan uşaqlar təbiətin oyanışının rəmzi olan bahar bayramı – Novruz ərəfəsində hədiyyə alıblar. Siz onlara bu gün çox zəruri olan sevinci bəxş etmisiniz.
#SəxavətliNovruz aksiyasında iştirak edən insanlar müxtəlifdir, amma onları birləşdirən dəyərlər eynidir: səxavətlilik, başqalarının dərdinə şərik çıxmaq və yardım etmək arzusu. Bizim çağırışımıza cavab verən insanlar bunlardır:
- Aysel Ümid
- İrina Uçaykina
- Təranə Əsgərova
- Nigar Əsgərova
- İradə Məmmədova
- Anar Əliyev
- Veysəloğlu MMC
Sputnik Azərbaycan Beynəlxalq İnformasiya Agentliyi və Radiosu #SəxavətliNovruz xeyriyyə aksiyasına verdiyi dəstəyə görə, Azərbaycan Uşaqlar Birliyi" qeyri-hökumət təşkilatının sədri Kəmalə Ağazadə və onun müavini Aidə Əliyevaya təşəkkür edir.
Xatırladaq ki, sözügedən aksiyaya fevralın 27-də start verilmişdi.
Sputnik Azərbaycan multimedia agentliyi və radiosu 2015-ci ilin mayından etibarən ölkəmizdə Azərbaycan və rus dillərində fəaliyyətə başlayıb. Agentliyin aktivinə Azərbaycan və rus dillərində informasiya portalı, radio resursu və Yüksək Texnologiyalı Multimedia Mətbuat Mərkəzi daxildir. Agentliyin internet portalı aparıcı milli KİV-lər arasında TOP-20-liyə (LiveInternet-in 2018-ci ilin 16 martına olan göstəricilərinə görə daxildir.
Sputnik Azərbaycan informasiya xabları ilə onlarla ölkədə fəaliyyət göstərən Beynəlxalq İnformasiya Agentliyi və multimedia radiosunun bir hissəsidir. Sputnik özündə 30-dan çox dildə yayımlanan saytları, analoq və rəqəmsal radioyayımlarını, mobil versiyaları və sosial şəbəkələrdə rəsmi səhifələri birləşdirir. Sputnik xəbər lentinin abunəçiləri üçün sutka ərzində ingilis, ərəb, ispan və çin dillərində yayımlanır.
