Şahpəri Abbasova, Sputnik Azərbaycan
BAKI, 13 mart — Sputnik. Zaqatalanın Car kəndində yanğın baş verib.
Sputnik Azərbaycan-ın bölgə müxbirinin məlumatına görə, yanğın bu gün axşam saatlarında kənd sakini Arif Arasova məxsus ümumi sahəsi 150 kv.m olan ikimərtəbəli, yeddi otaqdan ibarət fərdi yaşayış evinin dam örtüyündə baş verib. Hadisə yerinə Fövqəladə Hallar Nazirliyinin Zaqatala rayon Dövlət Yanğından Mühafizə Hissəsinin texnikası və şəxsi heyəti cəlb edilib.
Yanğın zamanı xəsarət alan olmasa da evə ciddi ziyan dəyib. Yanğının hansı səbəbdən baş verməsi məlum deyil.
Baş vermiş yanğınla bağlı araşdırma aparılır.
