Qəbələ qızılgül istehsal edəcək

İlham Əhmədov, Sputnik Azərbaycan

BAKI, 12 mart — Sputnik. Qəbələdə qızılgül istehsalına başlanılacaq. Bu məqsədlə rayonda 3 hektar ərazidə yüksək texnologiyalı istixananın inşasına start verilib.

Sputnik Azərbaycan-ın bölgə müxbiri xəbər verir ki, Layihə Avropada istixana tikintisi ilə məşğul olan məşhur Hollandiya şirkəti ilə birgə həyata keçirilir. Bütün tikinti materialları və avadanlıqlar Hollandiyadan gətiriləcək. 2018-ci ilin yay aylarında istifadəyə veriləcək istixanada 50 nəfər işlə təmin olunacaq. Burada 3 növ qızılgül yetişdiriləcək. Artıq Hollandiyadan əkin üçün 225 000 qızılgül tingi sifariş verilib. İstixanada hər m2 üçün 210-220 ədəd məhsul yığımı nəzərdə tutulur.