CƏMİYYƏT
Cəmiyyətin həyatında baş verən aktual hadisələr

Qəza ilə bağlı bəyanat verildi, Məleykə Abbaszadə rayona getdi

© Sputnik / Murad OrujovDövlət İmtahan Mərkəzinin binası
Dövlət İmtahan Mərkəzinin binası - Sputnik Azərbaycan
Abunə olmaq
Təhsil Nazirliyi və Dövlət İmtahan Mərkəzi birgə məlumat yaydı

BAKI, 11 mart — Sputnik. Xəbər verdiyimiz kimi, bu gün respublikamızın 27 şəhər və rayonunda ümumtəhsil müəssisələrinin məzunları üçün ümumorta təhsil səviyyəsi üzrə (9-cu sinif) buraxılış imtahanının birinci mərhələsi keçirilib.

Sputnik Azərbaycan xəbər verir ki, Təhsil Nazirliyi və Dövlət İmtahan Mərkəzinin yaydığı birgə məlumatda, bu imtahanda iştirak etmək üçün Yevlax rayonu Aran qəsəbə 1 nömrəli tam orta məktəbinin 15 şagirdi, 1 direktor müavini və 1 nəfər məktəbin əməkdaşından ibarət heyəti aparan mikroavtobus Yevlax rayonu ərazisində qəzaya uğraması qeyd edilir.

Kayseridə məktəbliləri daşıyan avtobus iri yük maşını ilə toqquşub - Sputnik Azərbaycan
CƏMİYYƏT
Azərbaycanda şagird daşıyan avtobus qəzaya uğradı: Ağır yaralılar var

Hadisə zamanı xəsarət alanlardan 12 nəfəri Yevlax Rayon Mərkəzi Xəstəxanasına aparılıb. Onların xəsarəti yüngül olduğundan ilkin tibbi yardımdan sonra xəstəxanadan evlərinə buraxılıblar. Digər 5 nəfər xəsarət alan şəxs Mingəçevir Şəhər Mərkəzi Xəstəxanasına yerləşdirilib. Şagirdlərdən 3 nəfərin vəziyyəti qənaətbəxşdir və müalicəsi davam etdirilir. Qəza nəticəsində "kəllə beyin" travması alan 1 şagird və məktəbin əməkdaşının müalicəsini davam etdirməsi üçün Səhiyyə Nazirliyi tərəfindən Bakı şəhərindən həkim briqadası ezam olunub. Hazırda Təhsil Nazirliyinin və DİM-in rəsmiləri Mingəçevir Şəhər Mərkəzi Xəstəxanasındadırlar: "Qəza zamanı xəsarət alanlara şəfa diləyir və tezliklə normal həyatlarına qovuşmalarının arzu edirik!"

DİM-dən Trend-in sorğusuna cavab olaraq bildirilib ki, qəzaya uğrayan şagirdlərin yenidən imtahan verməsi üçün hər bir şərait yaradılacaq. Dövlət İmtahan Mərkəzi (DİM) Direktorlar Şurasının sədri Məleykə Abbaszadə qəza ilə əlaqədar rayona gedib

 

Xəbər lenti
0