AYB-nin Bədii Tərcümə və Ədəbi Əlaqələr Mərkəzinin sədri, şair Səlim Babullaoğlu Sputnik Azərbaycan-a deyir ki, ümumilikdə götürəndə,Azərbaycan-Moldova ədəbi əlaqələri yox səviyyəsindədir:
“Ədəbi əlaqələr deyəndə tərcümə işləri, mütəmadi görüşlər, ədəbiyyat günlərinin keçirilməsi nəzərdə tutulur. Ancaq bununla belə Moldovada Azərbaycan ədiblərinin kitabları nəşr olunub, həmçinin eynilə burda da bu işlər görülüb. Bakıda keçirilən Moldova ədəbiyyatı günləri çərçivəsində müxtəlif görüşlər keçirildi. Hesab edirəm ki, bu görüş qonaqlar üçün çox maraqlı oldu”.
Qeyd edək ki, Azərbaycan Yazıçılar Birliyi Bədii Tərcümə və Ədəbi Əlaqələr Mərkəzinin təşkilatçılığı, Mədəniyyət və Turizm Nazirliyinin dəstəyi, Moldova Azərbaycanlıları Konqresinin iştirakı ilə martın 1-dən 3-dək Bakıda Moldova ədəbiyyatı günləri keçirilib.
