BAKI, 27 fevral — Sputnik. "Azərbaycan-Ermənistan dövlət sərhədində erməni kəndinin guya Azərbaycan Ordusunun bölmələri tərəfindən atəşə tutulması barədə Ermənistan tərəfinin yaydığı xəbər növbəti dezinformasiyadır".
Bu barədə Sputnik Azərbaycan-ın sorğusuna cavab olaraq Azərbaycan Müdafiə Nazirliyindən bildiriblər.
"Bu, ermənilərin növbəti dezinformasiyasıdır. Bu cür bəyanatla onlar gələcək təxribatlarına zəmin yaradırlar", — deyə Müdafiə Nazirliyinin şərhində bildirilir.
Qeyd edək ki, bu gün erməni mətbuatında Ermənistanın Azərbaycanla həmsərhəd olan Tavuş vilayətinin kəndlərindən birinin guya Azərbaycan Ordusunun bölmələri tərəfindən atəşə tutulması barədə xəbər yayılıb.
