Rahim Zakiroğlu, Sputnik Azərbaycan
BAKI, 27 fevral — Sputnik. Astarada bıçaqlanma hadisəsi qeydə alınıb. Sputnik Azərbaycan-ın bölgə müxbirinin əldə etdiyi məlumata görə, 1954-cü il təvəllüdlü Həbib Məmmədov Astara şəhərində münaqişə zamanı öz bacanağı Emin Əkbərov tərəfindən bıçaqlanıb.
Bıçaqlanan H.Məmmədov dərhal Astara Rayon Mərkəzi Xəstəxanasına çatdırılıb. Yaralının vəziyyəti ağır olduğundan, təcili yardım avtomobili ilə Lənkəran Rayon Mərkəzi Xəstəxanasına aparılıb və dərhal əməliyyat edilib. Həbib Məmmədovu bıçaqlayan bacanağı Emin Əkbərov isə sonra özü polisə təslim olub.
Hələlik münaqişənin səbəbi məlum deyil. Polis faktla bağlı araşdırma aparır.
