BAKI, 21 fevral — Sputnik. Bakıda gənc qadın intihara cəhd göstərib. Sputnik Azərbaycan "Report"a istinadla xəbər verir ki, hadisə Nəsimi rayonunda baş verib.
1989-cu il təvəllüdü T.A. (ad və soyad şərtidir) 4 ədəd iynəni udaraq intihara cəhd edib. Lakin evdə olan ailə üzvləri T.A.-nı dərhal xəstəxanaya çatdırıb. İynələr cərrahi əməliyyat yolu ilə onun bədənindən çıxarılıb.
Faktla bağlı hüquq-mühafizə orqanlarının əməkdaşları araşdırma aparır.
Xəsarət alan şəxsin yaxınları bildirib ki, T.A.-nın intihara cəhd göstərməsinə səbəb onun həyat yoldaşının başqa qadınla görüşməsi olub.
