BAKI, 17 fevral — Sputnik. ABŞ prezidenti Donald Trampın pul müqabilində cinsi münasibətdə olduğu iddia edilən, porno sektorunda “Stormy Daniels” kimi tanınan Stephanie Klifforddan yeni açıqlama gəlib.
Sputnik Azərbaycan "Habertürk"ə istinadla xəbər verir ki, Trampın vəkili Michael D.Koenin “prezidenti qorumaq üçün susmasına görə cibimdən qadına 130 min dollar pul verdim" deməsinin ardından “Stormy Danielsdən” cavab gəlib. O, "məxfilik anlaşmasını pozdular. Tramp ilə yaşadığım gecəni danışmağa hazıram" – deyə bəyanat verib.
Qeyd edək ki, vəkil Koen qadına pulu öz cibindən verdiyini vurğulayaraq, bunu hüquq çərçivəsində etdiyini açıqlamışdı.
Amma Stephanie Klifford səssiz qalmayıb və meneceri Gina Rodriguez vasitəsilə açıqlama verib. Rodriguez deyib ki, vəkil Koenin “Danielsə” susmaq üçün pul verdiyini söyləməsi anlaşmanı pozmaq mənasına gəlir.: “İndi porno ulduz hər şeyi deməkdə azaddır. Daniels baş verənləri anladacaq”.
