Kamran Əsədov bağçaların problemlərindən danışır
Prezident İlham Əliyev regionlarda uşaq bağçalarının tikintisi ilə bağlı sərəncam imzalayıb. Sərəncama əsasən 15 şəhər və rayonda ümumilikdə 1230 yerlik 15 uşaq bağçasının tikilməsi üçün 19 milyon 577 min manat pul ayrılıb.
Təhsil eksperti Kamran Əsədov Sputnik Azərbaycan-a deyir ki, bizim təhsil haqqında qanunda təhsilin ilk pilləsinin məktəbə qədər hazırlıq müəssisələrindən başladığı göstərilir:
“Bu pillədə qazanılan bilik və bacarıqlar bütün təhsil həyatı boyu uşaqları izləyir. Bu gün dövlət uşaq bağçalarının maddi-texniki bazası ürəkaçan deyil. Ən ciddi problemlər isə burada çalışan şəxslərin bilik və bacarıqlarının standartlara cavab verməməsidir. Dövlət bağçalarında çalışanların böyük əksəriyyəti ali təhsilli deyil”.
