BAKI, 11 fevral — Sputnik. Azərbaycan tərəfi Rusiyada qəzaya uğramış "An-148" təyyarəsinin sərnişinləri arasında bir azərbaycanlının olması xəbərinə münasibət bildirib.
Sputnik Azərbaycan-ın məlumatına görə, Xarici İşlər Nazirliyinin mətbuat xidmətinin rəhbəri Hikmət Hacıyev hadisə ilə əlaqədar bildirib ki, hazırda həlak olduğu ehtimal edilən azərbaycanlının kimliyinin dəqiqləşdirilməsi istiqamətində müvafiq addımlar atılır:
"Qəzada bir azərbaycanlının öldüyü barədə məlumat var. XİN aidiyyəti dövlət qurumları ilə birgə Azərbaycan vətəndaşı olduğu ehtimal edilən şəxsin kimliyinin müəyyən edilməsi istiqamətində müvafiq addımlar atır".
