“Əvvəllər təşviqat kampaniyasının müddəti 60 gün idi. Sonradan islahatlar yolu ilə bu 23 günə endirildi. 2013-cü ildə ATƏT-in Demokratik Təsisatlar və İnsan Haqları Bürosunun Bakıda keçirdiyi qapalı toplantıda seçki təşviqatı müddətinin azaldılmasının demokratiyaya zidd olduğu iddia edilirdi. Açıqlananda ki, bu İspaniyada 10, Fransada 20 gündür, ondan sonra razılaşdılar ki, bu qəbahətli deyil, normal haldır. Ümumiyyətlə, qərb ölkələri bizə irad tutanda özlərindən xəbərsiz olurlar” — deyə o bildirib.
Qeyd edək ki, Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) Seçki Qərargahı aprelin 11-də keçiriləcək növbədənkənar prezident seçkilərinin daha demokratik və şəffaf təşkilinə dəstək vermək üçün Uzunmüddətli Müşahidə Missiyasının həyata keçirir.
