BAKI, 8 fevral — Sputnik. Bakıda sürücülərin və sakinlərin başına bəla olacaq insan peyda olub.
Sputnik Azərbaycan Minval.info-ya istinadla xəbər verir ki, həmin şəxs hərəkətdə olan nəqliyyat vasitələrinin qarşısını kəsərək bir neçə saniyə yolun ortasında dayanır. Onun bu davranışını anlamayan sürücülər çaş-baş qalır. Görüntülər paytaxtın Nərimanov rayonunda qeydə alınıb. Bəzi şahidlərin sözlərinə görə, bu şəxs ruhi xəstəlikdən əziyyət çəkir və tez-tez həmin ərazidə olur. Digərlərinin fikrincə, onun niyyəti sürücüləri işə salıb pul qoparmaqdır. Bu şəxsin, hətta küçədə gəzən sakinlərə badalaq atdığı da deyilir. Maraqlıdır, nəyə görə belə biri müvafiq qurumların diqqətindən yayınır? Baxmayaraq ki, o, həm sürücülərin, həm də insanların həyatı üçün təhlükə yaradır.
Nəzərə alsaq ki, piyada ölümü ilə nəticələnən yol-nəqliyyat hadisələrində əksər hallarda piyadalar haqlı tərəf olur, bu şəxs ciddi problemlərə yol aça bilər.
