BAKI, 6 fevral — Sputnik. Xəbər verdiyimiz kimi, bu gün yerli vaxtla saat 19:25 radələrində Bakının Xətai rayonu ərazisində Azərbaycan Respublikası Müdafiə Sənayesi Nazirliyinin tabeliyindəki Radioquraşdırma zavodunda partlayış baş verib.
Səhiyyə Nazirliyinin Mətbuat Xidmətindən Sputnik Azərbaycan-a verilən məlumata görə, hadisə nəticəsində xəsarət alan olmayıb.
Hadisə "Radiozavod"un ərazisindəki istehsalat sahələrindən birində baş verib və o qədər də böyük olmayan ərazini əhatə edib. Nəticədə yanğın baş verib.
Hazırda yanğının hadisə yerinə cəlb olunan 20-dək yanğınsöndürmə briqadası tərəfindən lokallaşdırıldığı bildirilir.
Partlayışın baş vermə səbəbləri hələlik məlum deyil.
