Dünyanın ən yalqız quşunun inanılmaz sevgi hekayəsi - VİDEO

© AFP 2023 / OLI SCARFFSüleysin quşu
Süleysin quşu - Sputnik Azərbaycan
Abunə olmaq
Nigelin ölü bədənini tapan gözətçi Kris Bell, bir az gülümsəyərək, bir az da hüznlə "bu hekayə belə bitməməli idi" deyib

BAKI, 3 fevral — Sputnik. Yeni Zelandiyanın Mana adası, sonu hüznlə bitən eşq hekayəsinə şahidlik edib. Nigel adlı Süleysin quşu vaxtilə adaya yerləşdirilən 80 ədəd quş heykəlindən birinə aşiq olub.

O, 3 il ərzində həmin quşla cinsi münasibət qurmağa çalışıb. Hisslərinə heç zaman qarşılıq ala bilməyən Nigel, əsl eşqi yaşamadan keçən həftə süni quşların arasında tələf olub.

Platonik eşqi üçün hətta yuva da tikən Nigel, bütün çabalarına baxmayaraq, təbii ki, arzusuna çata bilməyib. Onun cansız bədəni, ötən həftə süni quşun yanında tapılıb.

Nigelin ölü bədənini tapan gözətçi Kris Bell, bir az gülümsəyərək, bir az da hüznlə "bu hekayə belə bitməməli idi" deyib.

Qeyd edək ki, 1976-cı ildə Nigel adlı şəxs başqa quşları cəlb etmək üçün adada 80 quş heykəli qurub. Onun şərəfinə Nigel adlandırılan həmin Süleysin quşu da 40 il sonra ilk dəfə adaya gələn həqiqi quş olub. Ancaq bədbəxtçilik orasında idi ki, o adaya gələn tək quş idi və cütləşmək üçün qarşı cins yox idi.

Sputnik Azərbaycan "The Guardian"a istinadən, həyatının sonu hüznlə bitən Süleysin quşunun 2015-ci ildə çəkildiyi videosunu təqdim edir:

Xəbər lenti
0