BAKI, 1 fevral — Sputnik. İŞİD terror təşkilatı ilə mübarizənin bitməsinə baxmayaraq Amerika ordusunun Suriyada qalmağa davam etməsi ölkə mediasında ciddi reaksiyalara səbəb olub. Sputnik Azərbaycan xəbər verir ki, bir çox mətbu orqan, o cümlədən "Los Angeles Times" qəzeti "Biz niyə hələ də Suriyadayıq?" başlıqlı məqalələr yayımlayıb.
Yerli media orqanları Türkiyə ilə əlaqələrin korlanmasına görə Ağ Evi günahlandırıb. "PYD/YPG-yə görə Türkiyəni özümüzdən uzaqlaşdırdıq. Buna dəyməzdi", — xeyli sayda qəzet yazıb.
Diqqətçəkən başqa bir məqaləni isə İsrailin "Jerusaleem Post" qəzeti dərc edib. "Türk ordusu "Zeytun budağı" əməliyyatı ilə ABŞ-ın müttəfiqi PYD-ni yox etməkdədir. O PYD ki Amerikanın Suriyadakı son kartıdır", — məqalədə qeyd olunub.
