BAKI, 31 yanvar — Sputnik. Hindistanda qəribə hadisə baş verib. Sputnik Azərbaycan “Milliyet”ə istinadən xəbər verir ki. Raceş Maru adlı şəxs müəmmalı şəkildə ölüb.
Onun dayısı gəncin ölümü ilə bağlı deyib: "Raceş Maru xəstəxanaya MRT etdirmək üçün dostu ilə birlikdə gedib. Bu zaman bir xəstəxana işçisi Marudan oksigen balonunu MRT otağına gətirməsini xahiş edib. Mary bunun təhlükəli olduğunu desə də, xəstəxana işçisi bildirib ki, bu prosesi hər gün keçirirlər, MRT aparatı söndürülür və heç bir problem yaranmır. Amma Maru əlində oksigen balonu ilə içəri girən zaman MRT aparatı açıq olub və aparat gəncin əlindəki balonu özünə çəkməyə başlayıb.
MRT aparatına dəyən Maru ağır yaralanıb, əlindəki balonda olan maye yerə tökülüb. Əli aparata ilişən Raceş Marunu xilas etmək mümkün olmayıb və o həyatını itirib”.
