BAKI, 29 yanvar — Sputnik. Uşaqların sevimli yerləri olan zoopark, sirk və digər yerlər bərbad vəziyyətdədir.
Sputnik Azərbaycan xəbər verir ki, bunu Milli Məclisin Mədəniyyət komitəsinin üzvü Elmira Axundova komitənin bu gün keçirilən iclasında deyib.
Onun sözlərinə görə, mövcud zooparklar heç bir parametrlərə sığmır: "Heyvanlar çox baxımsız vəziyyətdədir. Sirkdə də eyni vəziyyətdir. Bundan başqa, açıq havada olan əyləncə parkları da müasir səviyyədə deyil. Biz bununla bağlı — kütləvi tamaşa yerləri ilə bağlı qanun layihəsi hazırlaya bilərik. Layihəni hazırlaya bilərəm".
Komitə sədri Rafael Hüseynov millət vəkilinin təklifini dəstəkləyib: "Bu məsələyə baxa bilərik".
