BAKI, 25 yanvar — Sputnik. Azərbaycanlı aktyor Hollivud filmində rol alıb. Hollivud, Bollivud və Gürcüstanın birgə layihəsi olan filmdə azərbaycanlı aktyor Murad Abdullayev də oynayacaq. Murad Abdullayev Sputnik Azərbaycan-a açıqlamasında bildirib ki, bu ilin yay aylarında Gürcüstanda çəkilişləri nəzərdə tutulan filmin adi "Pianoplayer"-dir.
Aktyor bildirib ki, kriminal-dram janırında lentə alınacaq filmdə Hollivuddan, Bollivuddan, eyni zamanda Rusiya, Avstriya və Azərbaycandan aktyorlar çəkiləcək: "Ssenarist və quruluşçu rejissor Zaza Cicinadzedir. Azərbaycandan filmdə iştirak edəcək yeganə aktyor mənəm. Mənim qəhrəmanım film boyu mafiya üzvü olur, amma filmin sonunda onun azərbaycanlı xüsusi təyinatlı olduğu bilinəcək. Bir sözlə, filmdə Azərbaycanı təmsil edəcəm".
