Leyla Abdullayeva, Sputnik Azərbaycan
BAKI, 18 yanvar — Sputnik. Təbiət bəzən öz şıltaqlıqları ilə biz insanları təəccübləndirməyi bacarır. Bu dəfə də Xaçmaz rayonunda baş vermiş qeyri-adi təbiət hadisəsi görənləri təəccübləndirib.
Sputnik Azərbaycan-ın bölgə müxbirinə verilən məlumata görə, Xaçmaz rayon sakini Pakizə Mehdiyevanın həyətində yanvar ayında moruq yetişib. O, bu gün həyətə nəzər yetirən zaman mövsümə uyğun olmayan təbitə hadisəsi ilə qarşılaşıb.
P.Mehdiyeva belə hadisə ilə ilk dəfədir qarşılaşdığını bildirib. Onun sözlərinə görə, son vaxtlar havalar şaxtalı keçirmiş.
