BAKI, 17 yanvar — Sputnik. Bakının bir hissəsində su təchizatında məhdudiyyət olacaq. Bu barədə Sputnik Azərbaycan-a "Azərsu" ASC-nin mətbuat xidmətinin rəhbəri Anar Cəbrayıllı məlumat verib.
O bildirib ki, Müşfiqabad qəsəbəsindən Sulutəpə qəsəbəsinə qədər olan ərazinin su təchizatında məhdudiyyət olacaq: "Bakı Metropoliteni"nin bənövşəyi xəttinin Elektrik Deposunun tikintisi layihəsi çərçivəsində Bakı Beynəlxalq Avtovağzalının yaxınlığından keçən magistral su kəmərlərinin yerinin dəyişdirilməsi ilə əlaqədar, bu gün Müşfiqabad qəsəbəsindən Sulutəpə qəsəbəsinə qədər ərazidə Şollar-Bakı su kəmərindən qidalanan istehlakçıların su təchizatında məhdudiyyətlər olacaq".
