BAKI, 16 yanvar — Sputnik. ABŞ-ın Suriya-Türkiyə sərhədində YPG (PKK-nın Suriya qolu) üzvlərindən ibarət 30 min nəfərlik polis gücü yerləşdirəcəyi barədə məlumatdan sonra sərhəddə hərəkətli günlər yaşanır. Sputnik Azərbaycan Sözçü-yə istinadla xəbər verir ki, Vaşinqtonun bu açıqlamasından sonra ABŞ-ın Ankara səfirliyinin nümayəndəsi Xarici İşlər Nazirliyinə çağırılıb və Türkiyənin şimalda belə orduya qarşı olduğu bildirilib.
Prezident Rəcəb Tayyib Ərdoğan da iki gündür ki, PYD-nin əlində olan Afrində əməliyyat keçiriləcəyi barədə mesajlar verir. Ərdoğan bu gün partiyanın qrup iclasında da Afrin əməliyyatı barədə xəbərdarlıq edib.
Artıq Türkiyə ABŞ-ın bölgədə gərginliyi artıran açıqlamasını önləmək üçün əməli fəaliyyətə başlayıb. Bir neçə gündür ki, əsgəri personalı və tankları daşıyan hərbi vasitələr Suriya sərhədinə istiqamətlənib. Sərhəd bölgəsinə onlarla TIR-ın dolu daxil olub, boş çıxdığı müşahidə edilir.
